søndag 31. mai 2015

Smak av sommaren 2015

Ja, vi fekk ein smak av sommaren
i midten av mai.
Med sol i heile to dagar,
varmt og fint.

Men det varte ikkje lenge...


og ja, vi har kjøpt oss bubil,
og vi har kjøpt oss crocs.

Sommaren 2015 skal vi på ein og kanskje to 
turar med bilen vår.

Den fyste turen vår var til Kinsarvik
og Hardangertun Camping.
Det var sesongåpning i Mikkelparken kristi himmelfartsdag,
og med det flotte været blei jo det ein suksess.




Vi har alltid med oss syklar på tur,
vi likar, og vi treng vere aktive.
Kjekt å utforske områda vi er på,
og kjekt å gjere noko saman som familie.




Denne gangen fann vi ein super turveg, som var flott 
og variert å sykle på.
Den var skilta undervegs, med informasjon
om plassen og litt historikk.


Litt dumt at akuratt denne vegen låg på 
skuggesida om ettermiddagen,
så det vart litt kald inni skogen.




I Kinsarvik har dei til og med telefonkiosk.
Det er det ikkje mange av igjen her i landet,
så den måtte testast ut!!


Årets fyrste bad,
i oppvarma basseng!!



Flott utsikt mot Lofthus og fruktrebløming i Hardanger!


Sånn er campinglivet.
Det meste skjer utandørs,
og ein må sjølvsagt rigge seg til med bord og stolar, 
grill og det som høyrer med.
Og joda, vi har fått høyre at det neste er vel å kjøpe 
like grilldressar og....
he, he, tenk så praktisk då. 
Veit akuratt kva du skal ha på deg neste dag,
og så lett og kjenne igjen dei som høyrer saman!!



Campinglivet over for denne gang,
og vi sette kursen heimatt og 17. mai feiring.

Oppsummert:
Eg er utruleg imponert over kor mange som faktisk ferierar på denne måten,
det er bubil, campingvogn, telt, combicamp....you name it.
Folk likar å feriere enkelt.
Serviceanlegga er stort sett godt tilrettelagt,
sånn at ein både kan gå på do og dusje utanom bubilen. 
(Heldigvis, det er ikkje store plassen ein får å setje seg ned på inni der....)
Eg må lære meg å pakke praktisk,
minst mulig og akuratt det vi treng
for totalvekta på bilen må ikkje bli for tung....hjelpes meg alltså,
alt ein må tenke på....
og ull, fleece og litt dun må nok vere med tiogmed på sommarferien,
for kalde kveldar blir det,
og vi er mykje ute.

og ikkje minst,
mykje aktivitetar til alle, 
for det er noko med å skulle aktivisere seg heile dagen,
både store og små.
Syklar, sparkesyklar, spel og strikketøy er obligatorisk.

Vår familie er ikkje laga for å sitje i ro i ein stol,
og heldigvis for det.
Men campingferie er aktiv ferie
og det krever litt av far og mor og!

Men eg gler meg,
og eg håpar at startvanskane våre på denne 
turen er ein erfaring 
vi kan ta med oss vidare,
sånn at dette med bubil kan bli ein grei ting.

Vi prøver!


Kanskje ser vi han her igjen og ?!

Ja, det er nok mange der ute som er overraska over at eg er med på eit kjøp av bubil...og det er eg og....

onsdag 20. mai 2015

Glimt frå nasjonaldagen


Ein dag som starta med solskinn og blå himmel,
men som fort endra farge og slusene opna seg.



Frukost med flagg og litt ekstra godsaker høyrer med,
før bilrebus står på programmet.





I år var eg i matkomiteen,
og baka snopekaka som eg hadde med meg.
(Oppskrift finn de litt lenger nede på bloggen)


Dagen blei flott,
uansett kva vær det var.

Ungane deltok på leikar,
far fekk snakka med kjentsfolk,
mor passa på at alle fekk mat,
og for bessen heiste alle flagget denne bursdagen og!


Finaste bunaden som finns,
og nypussa sølvtøy var klart.

Hipp hipp hurra!!

Så er det eit heilt år til neste gang!






søndag 26. april 2015

Monstera

Grøne planter har tatt sin plass i interiøret.


Alt frå kaktusar, succulentar, ficus, monstera (som min) 
og til og med Yucca-palme er i vinden som aldri før.

Eg har mi fortid i gartneri og blomabutikk.
Då eg var lita dreiv mammo mi blomebutikk,
og bestemor mi utsalet i gartneriet.

Eg fekk tidleg vere med, setje mine eigne avleggarar
og selge dei når dei vart store.
Eg var svært stolt då pengane klirra i kassen.

Difor ler eg litt når mine barndoms grønplanter frå drivhuset til besto
er sååå poppis!


At denne planta heitte Monstera,
var nytt for meg.
Er det ikkje paraplyplante, liksom?


Planter har sin plass i mitt hus.
Eg kunne tenkt meg å ha mange fleir, 
men dei skal passast på,
vatnast og snakkast med.

Tida strekk ikkje til fleire.


Ein søndag er over,
og vi lader opp til ny veke!

søndag 19. april 2015

Tid for hagearbeid - såing

Med fantastisk flott vær denne helga,
kjem gleda over at hagen byrjar 
å spire og gro igjen.

Det er VÅR 


Tullemor og eg hadde oss ein handlerunde
i hagesentert
Hageland Fredheim Gartneri i Rosendal,
for å starte våren med å så litt ulike planter.

Eg valgte 
- Oregano
- Basilikum
- Ruccula salat

og tullemor valgte
- Valmue 
- Kattegras

Når du skal starte såing er det viktig å ha ny jord,
gjerne såjord.
Vi hadde gløymt å kjøpe det, 
og vi brukte krukkejord som fungerer heilt fint.

Krukkejord er tilsett gjødsel 
og lecakuler.

Denne gangen skulle vi teste ut dei nye papirpottene
til å så i,
men du kan så i mjølkekartongar, potter mm 
Dei fleste hagesenter har rikt ulvalg i ulike 
produkt til såing.

Bakpå frøpakken står det detaljert og god
forklaring på korleis du skal gå fram,
og kva tid det er best å så den aktuelle planta.




For ikkje å grise til tunet vårt,
la vi ut avispapir der vi skulle jobbe.




Desse papirpottene var geniale.
Flatpakka,
berre å brette dei ut.


I nederste del var det laga til slik at du kan rive av 
bunnen, og lettare få plantene ut av,
når du skal plante dei om i større potter eller åker.


Såing er ein kjekk aktivitet å gjere saman med borna,
det er noko dei fleste får til,
og det er kjekt å følgje med på det som spirer og gror.



Her er dei ferdige boksane klare.
Viktig å skilje dei, slik at du veit kva du har sådd.

Eit tips her er å gå saman med andre når du skal så,
det er som regel mange frø i ein pakke,
ofte fleir enn du treng sjølv.
De kan dele på plantene når dei har vakse seg større,
eller dele pakken med frø.
På den måten kan de få fleire sortar,
og noko kjekt å gjere på saman.

Tullemor har allerede bestemt seg for å gje 
kattegras til to tanter som og har katt!

Krydderurter er og utruleg kjekke gåver,
både å gje og få.




Etterpå laga vi merkelappar,
til å merke dei ulike boksane med kva vi hadde i dei.
Fann litt stivt papir,
klypte opp i passelege skilt,
laga hull,
tullemor skreiv på navn
og vi brukte blomsterpinnar til å feste dei med.


No kan vi bare vente og glede oss
til alle plantene spirer og gror.

Oppdatering vil komme undervegs!!


tirsdag 7. april 2015

Snopekake

Oki, her kjem oppskrifta på 
verdens beste kake:

SNOPEKAKE


Botn:
9 eggekviter
300 gram melis

Piskast stivt

300 gram finmalte mandlar blandast i.

Steik dette i langpanne (ha bakepapir i botn) på 160 grader i 30 minutt.

Avkjøl
(Ikkje ta av bakepapiret, men la den stå i langpanna)

Firkløverkrem:

1 kopp sukker
1 dl fløyte

Kok opp og ta vekk frå varmen.
Ha i
200 gram firkløversjokolade og
100 gram romtemperert Bremyk smør, 
rør til alt er smelta, og ha kremen ut over kaka.

Avkjøl

Gul krem:

9 eggeplommer
2 dl fløyte
220 gram sukker
2 ts vaniljesukker

Ha alt i ei panne og kok opp.
Avkjøl nesten heilt.
Bland i 300 gram Bremyk.

Smør den ut over firkløverkremen.

Frys kaka ned i langpanna.
Del den eventuelt i 2 deler når du skal bruke den.
(NB! Den skal frysast!)

Pisk 3 dl fløyte til kvar halvdel,
og pynt med frukt og bær etter eget ynskje.

NYT!




torsdag 2. april 2015

Litt påskestemning i heimen

Påsken er godt i gang, 
og av alle ting kom det nysnø i natt..



Når vi sette utfor i skibakken,
var det sjølvsagt deilig med 20 cm puddersnø.
Men her nede hos oss, 
vil vi ha våren tilbake.


Påsken er ei deilig tid.
Det er mange fridagar,
og det er ikkje det samme presset om pynting og gåver,
slik som jula ofte er.
Eg har litt påskepynt som eg tar fram,
og så lagar ungane ny pynt kvart år.
Det er sjølvsagt viktig å ta fram alt!

Eg har samla opp litt blad som eg håpar å 
få tid til å kose meg med og.


Gule blomar høyrer med i påsken,
og gult er kult...

til påske.



Denne blomen, Calla,
er ein av dei finaste eg veit.
Den skal få leve etter påske og,
sjølv om den er gul.
viss eg får den til å overleve då...




Påskeharen har tullemor laga,
og i følge ho sjølv, 
var det ho som hadde måla alle
egga og.

Håpar du har ein fin påske,
her er det meldt fint vær
og vi nyter dagane.




søndag 22. mars 2015

Litt meir bursdag


Sjølv om bursdagen forlengst er over,
må eg bare ta med dei siste bilda 
frå den store 7 års dagen.



Bursdagskaka bestilte eg denne gangen
hos 
Silje Teigen / Siljes bakerier

Perfekt kake til denne dagen.


Den kulaste Olaf figuren


Muffins laga eg sjølv,
med isblå frosting sjølvsagt!


Diana Ousdal laga smelta snømenn til festen.
Desse var etter inspirasjon frå Silje Teigen.

Ein super dag, 
med flotte detaljer,
som gjorde bursdagen til 
" den beste bursdagen ever"

Utanom kaka,
kosta denne festen svært lite.
Utruleg kjekt å få inspirasjon frå 
andre til å lage bursdagsfest
med tema, utan at det kostar så mykje.