Ikkje etter planen

I dag skulle eg ha vist bilder av nydelege fastelavensbollar med krem. Eller av mine håpefulle på skirenn i Kvinnherad mesterskapet. Men det går ikkje alltid slik ein har tenkt.

Vi gjekk skirenn. Junior fullførte for eigen maskin. Tullemor synst ikkje den der skigåinga var noko særleg. Etter litt tårer, tok vi av skia og gjekk på beina til mål. Medalje fekk ho likevel. Og dei flotte ungdommane som delte ut medaljane heia ho i mål. Det sette eg pris på!! Og kameraet låg i bilen...

Det vart meir tårer i Fjellhaugen i dag. Tullemor var trøytt og ville heim. Junior sine tårer kom fordi han ikkje fekk stå på slalåm, slik planen var. Eg skjønar skuffelsen, og hadde veldi vondt av han. Så vi returnerte frå fjellet med tårer hos alle tre...

Bilda eg viser, tok eg medan eg stod å kokte graut i går. Denne flotte korga er perfekt til å ha krydder i.

                                              Salt skåla frå Bruka, bruker eg kvar dag!

  Tinga vi bruker nesten dagleg, er greie å ha i umiddelbar nærhet. Ungane er veldig glade i havregrynsgraut, eller havregryn i yogurten.

Og av ein eller anna merkeleg grunn, har vi måtta nytta makaroni som "hurtig erstatning" til middag, fleire gonger i det siste.

Kaffi drikk vi kvar einaste dag.

Gjestefotografen min var på jobb i går og. Ho tok mange bilder av meg, medan eg kokte graut. Her ser de kor lett tilgjengeleg krydderkorga mi er.

Tullemor og eg vert nok heime i morgon. Ho har blemmer på tunga og pittelitt feber. På tysdag fyller ho 3 år, og vil gjerne ha ho frisk til det! Og sidan ho ikkje var i form, droppa eg boller med krem...det er jo berre eg som et det likevel....