Travelt.no

Før i tida, snakka vi alltid om at hausten var så lang og kjedlig.

Det skjedde liksom ingenting,

og det var om-og-gjere å legge planar,

så ikkje det skulle bli så kjedlig.

Skjønar ikkje kva vi tenkte på.

Hausten er jammen meg den travlaste tida på året.

Foreldremøter,

oppstart av aktivitetar,

ny jobb for ho mor,

paraglidertur for han far,

haustferie,

og så skal vi bake eplekake.

Men oppi det heile er hausten nydeleg.

Fantastiske fargar på epler,

tre og buskar.

Eg tenner stearinlys og har på ullsokkar.

Planlegger julegåver og gler meg til desember.

Hausten er jo ein eksplosjon for interiør...

eg ønske meg ALT.

Ønskelista til jul er allerede LANG!

Vart nesten litt julete desse bilda, med dei flotte eplefargane.

Eg har "ryddebus" for tida, kastar med hard-hånd,

finn ting eg ikkje hugsar eg hadde,

finn fram ting eg skal levere på loppis.

Og på toppen av det heile har mannen vore på Ikea i dag,

så no er huset fylt opp med papp.

Har vi ikkje nok å gjere,

så lagar vi oss meir å gjere.

Tjohei kor det går!!

What does the Fox say??

Kven er det i dette landet som ikkje kan denne songen no?

Ylvis er bare heilt fantastiske.

Eg ler så eg grine av Ikea-skjetsjane deira.

Og som de ser, eg er beten av basillen...

Eller egentlig er det putedilla som kjem framfor,

og fri frakt hos Kremmerhuset!!

Pompongar har eg lenge hatt eit ynskje om, 

og fargane var perfekte.

Reven i Acapolco - stolen.

Sjå så skjønn då!

Men er egentlig reven så veldig skjønn?

Ikkje veit eg.

Men kva seier den eigentleg?

"Hay", sa du??

Mi gode veninne Diana med bloggen "MyDream" la sist veke ut bilde på Instagram

av eit slikt speil, kjøpt på Kid.

Eg har sikla etter eit slikt lenge,

og var snar på telefonen til Kid på måndag.

Hald dykk fast; det var nedsatt 50 %.

E da mulig liksom?

Betalte 125 kr for da.

Veldi bra at den snilla mammo til Diana henta da heim for meg og.

Då eg kom heim med det, og skulle henge det opp,

var ikkje mannen så veldi imponert over hamp-tauet som var opphenget.

Flaksen var på mi side då eg kom på at vi hadde eit gamalt brunt skinnbelte

i passe str.

Mannen skifta difor ut hamptauet med skinnreima.

Sjå kor kult detta blei då. Nett likt som Hay sitt speil.

DIY på høgt plan her i huset.

Perfekt!!

Som alt anna her i huset....ho ho ho, eg ler.

Lekkert speil på veggen der...

No e da helg, I love it!

Vita Silvia

Han eg er gift med er ganske framtenkt.

Han var overbevist om at ein eller anna gong kom det til å komme

ein lampe over salongbordet i stova.

Det hadde eg aldri trudd.

Eg var fast bestemt på at vi ikkje skulle ha lampe der.

Flaks for meg at han laga punkt til lampe i taket.

For då eg såg Vita Silvia lampa,

såg eg at den passa perfekt hos oss.

Nydeleg flott, enkel og rein,

samstundes svært dekorativ.

Her er den utan lys i.

Knall fin farge

Som de ser er den ikkje heilt festa, eg har ikkje blitt heilt einig med meg sjølv om lengda.

Men det ser så bra ut.

Kjøpt hos Margreta og Hilde på Fristelsar i Rosendal.

Eg skulle bare låne med meg heim den ferdig monterte....no må dei montere ny...

Plommepai

Det er haust og det er plommetid,

og det er victoriaplommer...

Dei er ikkje gode å ete,

synst eg.

Men her om dagen såg eg at Malena la ut bildet av dottera, Jenny, sin plommepai,

og tenkte at det kunne eg bruke desse plommene til.

(Som sjølvsagt kjem frå pappa sin utømmelige hage.)

Eg brukte Maizenna-paideig.

Det var tross alt fredag ettermiddag og nesten kveld.

Forstekte den i 10 min på 200 grader.

Pisk 2 egg saman med 150 gram sukker, luftig.

Ha i 75 gram kokos og 2 ss fløyte 

(valgfri kva type, eg brukte matfløyte)

Hell det oppå deigen.

Eg hadde god hjelp til å hakke opp plommene

som vi fordelte ut over i forma.

Det står 1 kg plommer i oppskrifta, men eg trur vi brukte ca 10 store plommer.

Dryssa på kanel og sukker.

Inn i ovnen på 200 grader i 25 min.

Varm plommepai klar for servering.

Kjempegod!

Kan verkeleg anbefalast.

Oppskrifta fann eg då eg googla

"plommepai med kokos"

Ligg på ....detsøteliv.no

Fin fredag til dåke alle!

PS: Ser du noko nytt i stova??

Ny pute.....igjen....

For ei stund sidan var eg på Halsnøy,

på shopping og besøkte ei god veninne.

Det er noko spesielt bra med dei butikkane på den øyo,

eg finn alltid noko fint der.

Denne gangen kom eg heim med nokre små skattar i posen,

blandt anna denne puta her.

Det er noko med rullesteinar,

dei er svært dekorative og fine.

Haust i stova og haust ute.

Søndag som skal tilbringast inni tv-stova har eg tenkt.

Fin fin søndag til alle dåke fine lesarane mine!

Tv-stovo vår

Då vi starta planlegginga av nytt hus,

hadde eg klart for meg at eg ikkje ville ha ein 50 tommar stor tv i stova.

Alt må møblerast etter tv-en, og eg ønska ikkje ha det slik.

Samstundes har eg born og mann, som ikkje var einige i dette.

Han eg er gift med, likar godt at Discovery står og durar og går,

heile dagen..... lite aktuelt for meg.

Kompromiet vart ei tv-stove innforbi stova.

Ungane har difor dette som si stove.

Skyverdør - sånn at vi kan lukke lyden inne.

Glasdør sånn at ho mor har kontroll på kva som skjer der inne.

Dyreprint-putene eg sydde til ungane er her inne.

Dei er ekstra store, sånn at dei kan ligge/sitje på dei.

Her inne skal det vere kos.

Sofaen kjøpte vi brukt, og er svært fornøyd med den.

No har den byrja verte litt liten for familien på 4.

Vi vurderer å kjøpe ein modulsofa som fyller heile rommet.

Tv-en står på veggen inn mot stova.

Den er kvit og fin,

men vi har ikkje noko å putte alle ledningane inni enda.

Derfor passar den seg ikkje på bilde.

HayDLM tok eg med meg inn hit i dag.

det er jo meint til å ta med seg.

Eg ser no at teppebytte eg gjorde hin dagen, ikkje var så bra fargemessig,

då eg har hatt eit Pappelina-teppe i brunstriper her inne før.

Mulig det kjem tilbake.

No har eg to små tytter som kosar seg med lørdagsgodteri og chips der inne.

trur eg må ha litt eg og!

Fin lørdag til alle!