Heklerier

Green Gate koppane er fantastiske. Men når eg skal drikke te av dei, vert koppen ganske så varm og fingrane mine er ikkje herda nok til å tåle det.

Resultatet vart då å hekle ein haldar til å ha utanpå koppen.

No er det ingen problem lenger!

Eg har nettopp lært meg å hekle. Dette er det eg øver meg på. Målet er ein gong å hekle eit teppe med "bestemorsruter".

Litt skakk, men super god!!!

Nydeleg vær i dag og. Eg skal snart til legen, etter at noko pussestøv etc har festa seg på auga og vil ikkje vekk. Sånn e da å bygga hus.

Heldige oss

som bur i Omvikedalen. 

For vi har nemlig fått oss ny grillhytta i Åsen.

Ove Stokka har bygd den, og det er  tydeleg at han har auga for detaljar.

Maur?

Ja, det er det nok av i Åsen. Men vi satsar på den held seg vekke frå pølsene vi skal grille her.

Inngang frå "baksida".

Dørene er beisa, klare til å hengslast på.

Katten passar på.

og hanen galer.

Veldig flott resultat. Vi gler oss til å ta denne i bruk. Offesiell opning vert etter påske.

I dag har vi vore veldig heldige, det har vore sol og vindstille, kaldt og klart. 

Eg fekk meg ein tur i morgontimane, heilt aleine. Eg likar å gå tur, mens eg ser at bygdo våkne til liv ein søndag føremiddag.

Tullemor kasta opp i går, så vi har hatt ein roleg ettermiddag, mens gutane har vore i Fjellhaugen.

Eit steg nærmare; kjøkken

Her kjeme siste nytt frå eit snart klart kjøkken. Ventilatoren og koketoppen ( 80 cm induksjon) er på plass. Og til slutt kom den midt mellom vindaugene og. Flinke mannen min.

Øveskapo er på plass. På høgre sida her, skal vi ha høgskap med uttrekk.

Kjøkkenet er Kvik, Mano Høyglans.

Snikkeren i djup konsentrasjon.

"Betong" benkeplata mi. 

Dobbel vask. Her skal ingenting vere oppå disken. 

Fordelen med å ha flytta fleire plassar, er at då har eg fått prøvt ut fleire typar kjøkken. I forhold til vaskar, så ser eg på dei med ein sånn liten vask ved sida av den store, som HEILT ubrukelege. Ka ska eg bruka den til liksom???

Målet er innflytting ca 1. mars.

At vi måtte returnere parketten, og få ny...håpar vi ikkje forsinkar prosessen. Golvet var kjempefint, men ujamn tjukkelse etc, gjorde til at vi klaga. Godt å få gjort det no, og ikkje gå og irritere oss over det i ettertid.

Det er laurdag, pizza og godis.

Dyrisk

Dyrisk, natur, svart/kvitt, striper og "det enkle er ofte det beste", preger stilen min i byrjinga av 2012. 

Sjå bare kva som vart med i posen, etter ein snartur innom Kremmerhuset på Amandasenteret i dag.

Eg var på jakt etter Uglelampen som Kalas Mystiske Hjørne skreiv om i dette innlegget. Men dei var tomme...hadde bare fått inn 5 stk, og vart utsolgt på ein dag... Skjønar eg godt.

Måtte jo ha med ekornet og.

Fin fint i den skrokkete sofaen min.

Og så han der typen i vindauga då... Han sat i Kiss-panelet på "Popstokk", og hadde tilogmed Sauen Shaun tatovert på armen...

Mannen min og eg har vore i Haugasund og henta kjøkkenet i dag. Har tatt runden på andre butikkar og, så no vert det raudt stæsj på eine badet. Men kvar for eit av dei?? Det er ikkje avgjort. 

Eg er forelska i Slettvoll bordet, som ser ut som rekved med glassplate på...

Eit vitrineskap i svart på Living kan bli mitt ein gong. 

Ølen Møbler valgte eg vekk i dag, men ver trygg...eg kjem tilbake!! Eg skal bare flytta inn fyrst...

Vår?

Nei, det er ikkje vår heilt endo. Ikkje på kalendaren iallefall. Skikkeleg vinter har glimra med sitt fråvær. 

Tulipanar er som vår for meg.

15 sykker for 99 kr er heilt greit. Flotte fargar som gjer meg glad. Og set du dei kaldt om natta, så har du dei lenger enn langt!

Sjå kva som blenkjer i bakgrunnen!!!

Er du lei av maset mitt om lampen? 

Ugler

Når eg får sånne flotte ugler til jul, ja då vert eg veldig glad. Eg blir så glad for at dei som kjøper noko til meg, har tenkt på meg når dei såg denne ugla. Tusen takk til Rodihob, som eg fekk denne flotte ugla av. Det står på hedersplass.

Denne skjønne sjarmøren her fekk eg av svigerinna mi. For eit prakteksemplar. Den står framme saman med den andre.

Kongla frå By Nord, fekk eg av bror min og sambuaren hans. Blei nesten stum når eg opna den. Den er bare råflott. Eg kjem ikkje til å pakke den ned saman med julepynten. Kan ikkje la slike skattar ligge nedpakka eit heilt år.

No er det klargjering til skirenn, pølser på termos og kakao. Vi er klare for gull!

Raud

Amaryllisen eg hadde til jul, visna bare vekk utan å bløma skikkeleg. Eg vei kva eg gjorde feil, så eg måtte prøve på nytt.

No blømer den nye, så raud og fin, innimellom alt da gråa og kvita. Men eg lika da. Ein fargeklatt innimellom. Sånn skal det bli i nyahuset og. 

Trur eg må ha noko signalgult og. Kanskje krakken frå Ikea? Den som vente, får sjå.