På hotellferie i barndommens rike

Vi er på flyttefot. Og mellom hus A og hus B, har vi no sjekka inn på hotell C. For dei som ikkje tok den...så bur vi no hos mine foreldre. Det er som eit hotell. Bestemor passar unger, leverer i barnehage, lagar middag og vaskar kle. I tillegg kjem vi nesten til ny-oppredde senger. Vi er heldige. Det er nesten som når Jason er på ferie. 

Ei fantastisk bok frå barndommens rike. Den er på nynorsk, noko som gjer at eg likar den ekstra godt. Eg øveset stort sett alt eg les til ungane til nynorsk eller dialekt.

I bokhylla står omtrent alle bøkene av Anne-Cath. Vestly. Dei gjer gode minner. Eg gler meg til eg kan lese desse for mine to.

På dette hotellet prøver vi å gjere andre ting enn å sjå på tv. Her er mykje spel, og dette er berre ein liten bunke. Bestemor har vore flink å handle inn spel, og vi har spela mykje opp gjennom. Desse spela skal vi ta fram om eit år og to.

I dag har vi delteke på rosemarkering her i Rosendal. Ei markering til ettertanke og samhald. Vi haldt hender og viste vår medkjensle for dei som døydde den 22.07.2011.

Blåbær

Når da står pannekaker på menyen, er blåbærsyltetøy obligatorisk. Og å kunne plukke det sjølv like utanfor huset, er som ein draum.

Tullemor og eg gjekk ein liten tur på blåbærplukking i dag, og fekk med oss nok til ei stor skål med nyrørte blåbær. Strø litt sukker på, og knepp dei med ein gaffel.

Pannekaker med bacon og blåbær er noko av det beste eg veit.

Her er junior sin måte og ete det på, pannekake med sukker og syltetøy.

Eg hadde ein dag på jobb, før tullemor kasta opp i går kveld. Har vore heime i dag, og fridag i morgon.     Kjenner at eg er klar for å jobbe litt no, men sånn er det bare. I kveld byrjar Grey`s igjen, og eg skal vere klar i sofaen. Gler meg.

Ferien er over

Siste dag av ferien i dag, og den vart avslutta med grilling i fjæra på Lyngstrand.

Ungane åt som om dei aldri hadde ete før, og til slutt trur eg dei kosa seg....

Vi har vore kallheldige med ferien vår. Fyrst 14 dagar med sol på Mallorca, så ei veke med varmt og ok vær, 2 dagar med regn og avslutta med 4 dagar med knallvær og strandliv. Eg skal ikkje klage over været i min ferie iallefall!

20 grader i sjøen er bra for ungane, og junior hoppa og stupte omtrent lika mykje i sjøen som han gjorde i bassenget i syden.

Stranda i Røynholm er så god som sydenstranda og vi diggar å vere der.

Tullemor er nøgd med sandslottet sitt.

Så i måro er det levering i barnehage, og køyring på jobb att. Junior har ferie nokre veker til, og skal vere litt rundtomkring denne veka. Fyrst ut er overnatting hos favorittonkelen.

God ferie vidare til alle som byrjar no, og til alle andre vil eg ynskje ei god veke!!

"Nytt" salongbord

Innimellom pakking og ferie, har eg vore flittig med malekosten. Siste ferdige prosjekt er salongbordet.

For dei som har kjent mannen min lenge, kjenner nok igjen dette bordet.

Det har fulgt han nokre år før eg kom "inn i bildet". Trur det har vore med på mang ein fest, og har hatt både svimerker og glass og flaskemerker. Ja, sånn e da med unkarsfestar. 

Det var eit furubord opprinneleg, så beisa og lakka, og no er det malt kvitt.

Eg nyter å vere ferdig med maleprosjekta for denne gangen, og synet av mitt nye bord. Vi har vore 2 lange og flotte dagar på badestranda no. Ungane badar like mykje her som på Mallorca, til tross for at her berre er 18-19 grader i vatnet. Og det var godt å få friska opp brunfargen litt. 3 dagar igjen no, så er det jobb igjen.....

Jul i juli

"Har da rabla for ho"??? Tenke du kanskje no. Men da har ikkje da. Eg har bare slått te på eit godt tilbud, sjølvsagt.

Eg fekk eit gavekort på Stemning i Rosendal til bursdagen. Og sidan butikken skal skifte eigar om kort tid, måtte eg bruke det no. 

Då er det greit og kjenne eigaren, slik at ho kunne informere meg om at ho skulle setje fram noko julevarer til halv pris, dagen etter!

Bruka er ein stor favoritt, og eg slo te.

Så no skal det pakkast ner igjen, saman med alt da andra, og takast fram til gløggselskapet rett oppunder jul.

Nett no er det lite som minner om sommar her. Men på onsdag er det lova bra vær. Då pakkar vi strandvesko og gjer oss klar for strandlivet. Blir det einaste dagen denne ferien at vi kan vere på ei norsk strand?? Håpar ikkje det.

I kveld reiser mannen til Brasil på jobb. 2 veker, 3 veker, kven veit. Flytte må eg uansett. Men eg har fått eit tilbud som gjer det greitt, og då skal eg klare å pakke resten ned. Glede meg til å visa dåke leilegheita vi skal leige. 

Ekte sommargodis

I dag er det norske jordbær til 19,90 på Spar! Løp og kjøp.

Her må ein nyte det som gjer ein sommar-feelingen, for den kjem ikkje på grunn av været. 

Eg har starta på 4. og siste veka av ferien min. Vi kosar oss og håpar yr.no held det dei lovar; på onsdag vert det sol.

Sommarfølelse

Jobbar best under press, er vel noko som passar best til meg og mannen min.. Ting skjer som oftast ikkje før da må, men då skjer da iallefall.

Denne gangen var det dette bordet som skulle malast, saman med ei hylle eg kjøpte på loppis.

Bordet skal eg ha med meg på flyttelasset denne gangen, medan hylla er pakka ned til det nye huset er klart.

Sommarfølelse får eg av roser og kvitt.

Samme knott som eg brukte på skoskåpet mitt, og den siste dei hadde igjen på "Stemning" av denne. Eg spurte fint om eg kunne få kjøpe den som hang i utstillinga, og det fekk eg.

Tullemor ville og vere med på bildet. Då vi var i syden tok eg berre med "jentekle" og ho hadde dei på seg utan problem. Ho gjekk i kjolar, rosa og lilla. Men etter at vi kom heim, har ho sjølvsagt berre gått i arvekleda etter Isak; Cars, Tom og Jerry, grønt og blått! Ja, ja, nydeleg er ho samma kva ho har på seg.

Ho hjalp og mamma med pussing og maling. Det vil sei, ho mala med vannmaling på papir ved sida av meg. ( neimen, lilla tunika og tights!!!)

Og som de ser, vi flytter atter ein gong.

Her er "før" bildet av bordet.

Ellers så nyter vi ferien. Vi har ein del sol og varme, og litt regn innimellom. No ventar kaffi og blad ute i sola. 

Ha ein strålande fredag. God ferie til dei som har det, og god helg til alle andre!